小学三年级教学目标.doc

ལོ་རིམ་གསུམ་པའི་སློབ་ཁྲིད་ཀྱི་སྤྱིའི་དམིགས་ཚད།
ཡི་
གེ་
ངོས་
འཛིན།
༡ བོད་ཡིག་སློབ་འདོད་ཀྱི་འདུན་པ་ཤིན་ཏུ་ཆེ་བ་དང་། རང་འགུལ་གྱིས་ཡི་གེའི་དོན་ལ་གོ་བ་ལེན་པའི་གོམས་གཤིས་ཆགས་དགོས།
༢ རྒྱུན་སྤྱོད་ཀྱི་མིང་བརྡ་༨༠༠ཡས་མས་ཀྱི་དག་ཆ་ཤེས་པ།
༣ དག་ཡིག་དང་ཚིག་མཛོད་བཀོལ་ཤེས་པ་དང་། རང་རྐྱ་ཐུབ་པའི་སྒོ་ནས་མིང་བརྡ་ངོས་འཛིན་དང་དོན་རྟོགས་པའི་ནུས་པ་ལམ་ཙམ་ལྡན་དགོས།
༤ ཆེས་རྒྱུན་སྤྱོད་ཀྱི་ཚིག་ཕྲད་ངོས་འཛིན་དང་སྒྲའི་སྦྱོར་ཚུལ་ཤེས་པ་དགོས།
ཡིག་འབྲི།
༡ དབུ་མེད་ཀྱི་གཟུགས་ཐོན་ཞིང་སྙོམས་པོར་འབྲི་ཐུབ་པ་དགོས།
༢ དབུ་ཅན་གྱི་ཡི་གེ་འབྲི་བའི་ཁྱད་ཆོས་དང་གནད་འགག་རྟོགས་ཐུབ་པ་བྱེད་དགོས།

ལྟ་

ཀློག

༡ སྒྲ་གསལ་ཞིང་དག་ལ་གཅོད་མཚམས་འགྲིག་པ། བརྩེ་དུང་ལྡན་པའི་སྒོ་ནས་སློབ་ཚན་གྱེར་ཀློག་ཐུབ་པ་དགོས།
༢ ཁོག་འདོན་ལམ་ཙམ་བྱེད་ཤེས་པ་དང་། སློབ་ཚན་ཁྲོད་ཀྱི་གོ་བ་མི་ལོན་སར་དོགས་སློང་བྱེད་ཐུབ་པ་དགོས།
༣ ཚིག་གོང་འོག་གི་འབྲེལ་བར་བརྟེན་ནས་མིང་དང་ཚིག་གི་དོན་ལ་གོ་བ་ལོན་ཐུབ་པ་དང་། ཚིག་ནུས་ཉམས་སུ་མྱོང་ཐུབ་པ། དག་ཡིག་དང་མིང་མཛོད། འཚོ་བའི་ཉམས་མྱོང་སོགས་ལ་བརྟེན་ནས་ཐ་སྙད་གསར་པར་གོ་བ་ལོན་ཐུབ་པ་དགོས།
༤ རྩོམ་ཡིག་གི་ནང་དོན་གཙོ་བོ་ལ་ཨ་བ་ལོན་ཐུབ་པ་དང་། རྩོམ་ཡིག་གིས་མཚོན་པའི་བསམ་བློའི་བརྩེ་དུང་ ཉམས་སུ་མྱོང་ཐུབ་པ་དགོས།
༥ དོན་བརྗོད་རང་བཞིན་གྱི་རྩོམ་ཡིག་གི་ནང་དོན་རགས་རིམ་ཤོད་ཐུབ་པ་དང་། གསོན་ཉམས་ལྡན་པའི་ཚིག་སྦྱོར་ལ་ཉམས་རོལ་ཐུབ་པ། རང་གི་ལྟ་ཀློག་གི་མྱོང་བ་གཞན་ལ་ཤོད་ཐུབ་པ་དགོས།
༦ སྙན་འཇེབས་ལྡན་པའི་ཚིག་སྦྱོར་དང་མིང་བརྡ། སྐད་ཆའི་རྒྱུ་ཆ་གསོག་འཇོག་ཐུབ་པ་དགོས།
༧ དཔེ་དེབ་དང་ཚགས་པར་སོགས་ཀློག་པའི་གོམས་གཤིས་ཆགས་པ་བྱས་ཏེ་སློབ་ཕྱིའི་ལྟ་ཀློག་གི་སྤྱིའི་གྲངས་ཚད་མ་ མཐར་ཡང་ཚེག་ཁྱིམ་ཁྲི་༢༠ལོན་དགོས།

རྩོམ་
ཡིག་
འབྲི་
སྦྱོང་།

༡ མཐའ་སྐོར་གྱི་བྱ་དངོས་ལ་དོ་སྣང་བྱེད་པ་དང་། ཡིག་ཐོག་ནས་གོ་བརྡ་སྤྲོད་པར་དགའ་བ། རྩོམ་ཡིག་འབྲི་སྦྱོང་གི་འདུན་པ་ཇེ་ཆེར་གཏོང་དགོས།
༢ འབྲི་སྟངས་ཀྱི་ཐད་ཚོད་འཛིན་མེད་པར་མཐོང་ཐོས་དང་མྱོང་ཚོར། འཆར་སྣང་བཅས་འབྲི་བ་དང་། རང་གིས་ནམ་རྒྱུན་གསོག་འཇོག་བྱས་པའི་སྐད་བརྡ་རྩོམ་ཡིག་ནང་བེད་སྤྱོད་ཨེ་ཐུབ་ལྟ་བ་དང་། ཁྱད་པར་དུ་མིང་བརྡ་གསར་པ་སྤྱོད་ཨེ་ཐུབ་བྱེད་དགོས།
༣ སྟབས་བདེའི་ཡིག་ཐུང་ཐོག་ནས་ཞན་ཚུན་འབྲེལ་འདྲིས་ བྱེད་ཐུབ་པ་དགོས་ལ་ཡིག་ཤད་ཀྱི་ཁྱད་པར་ཤེས་པ་དགོས།
༤ སྦྱངས་རྩོམ་ཁྲོད་ཀྱི་མངོན་གསལ་དུ་ནོར་བའི་མིང་ དང་ཚིག་སྦྱོར་དག་བཅོས་ཐུབ་པ་དགོས།
༥ སློབ་ལོ་རེར་རྩོམ་ཡིག་འབྲི་སྦྱོང་ཐེངས་༡༦ཙམ་བྱེད་དགོས།

ཁ་སྐད་
འབྲེལ་
འདྲིས།
༡ སྨྲ་བརྗོད་གསལ་ཞིང་སྒྲ་དག་པའི་སྒོ་ནས་མི་གཞན་དང་གཏམ་གླེང་བྱེད་ཐུབ་པ་དང་། རྣ་བ་བླགས་ནས་ཉན་ཐུབ་པ། གོ་བ་མི་ལོན་པའི་གནད་གཞན་ལ་འདྲི་ཐུབ་པ། བསམ་འཆར་མི་མཐུན་པ་གཞན་དང་གྲོས་བསྡུར་བྱེད་ཐུབ་པ་ དགོས། ༢ གཞན་གྱི་སྐད་ཆ་ཉན་དུས་ནང་དོན་གཙོ་བོ་འཛིན་ཐུབ་པ་དང་མདོར་བསྡུས་ཀྱིས་གཞན་ལ་ཤོད་ཐུབ་པ་དགོས། ༣ ཉམས་འགྱུར་ལྡན་པའི་སྒོ་ནས་རང་གི་མྱོང་བ་དང་གཏམ་རྒྱུད་སོགས་གཞན་ལ་ཤོད་ཐུབ་པ་དགོས།
ཕྱོགས་
སྡུས་
ཀྱི་
སློབ་
སྦྱོང་།
༡ སློབ་སྦྱོང་དང་འཚོ་བའི་ཁྲོད་ཀྱི་གནད་དོན་འདོན་ཐུབ་པ་དང་། དམིགས་ཡུལ་ཡོད་པའི་སྒོ་ནས་དཔྱད་གཞིའི་ཡིག་ཆ་འཚོལ་སྡུད་བྱས་ཏེ་མཉམ་དུ་གྲོས་སྡུར་བྱེད་ཐུབ་པ་དགོས། ༢ སྐད་ཡིག་གི་སློབ་སྦྱོང་དང་འབྲེལ་ནས་རང་བྱུང་ཁམས་དང་སྤྱི་ཚོགས་ལ་ལྟ་ཞིབ་བྱེད་པ་དང་། ངག་ཐོག་དང་ཡིག་ཐོག་ཟུང་འབྲེལ་གྱིས་རང་གི་ལྟ་ཞིབ་བྱས་འབྲས་གོ་བརྡ་སྤྲོད་ཐུབ་པ།
༣ དགེ་རྒན་གྱི་མཛུབ་སྟོན་འོག་དོན་སྙིང་ལྡན་ལ་སྤྲོ་སྣང་གིས་ཕྱུག་པའི་སྐད་ཡིག་གི་བྱེད་སྒོ་སྒྲིག་ འཛུགས་ཐུབ་པ་དང་། བྱེད་སྒོའི་ཁྲོད་དུ་སྐད་ཡིག་སློབ་སྦྱོང་བྱེད་པ་དང་། མཉམ་ལས་བྱེད་ཚུལ་ཤེས་དགོས།
༤ ཁྱིམ་ཚང་དང་སློབ་གྲྭའི་འཚོ་བའི་ཁྲོད་དུ་སྐད་ཡིག་གི་ཤེས་བྱ་དང་ནུས་རྩལ་སྤྱད་དེ་གནད་དོན་སལ་བའི་
རིགས་ཐག་གཅོད་ཨེ་ཐུབ་དགོས།